Амраг хосуудын хайр сэтгэлийн харьцаанд ямар нэг асуудал гарч, бие биедээ туних, эмзэглэх зүйл гардаг. Зарим хүүхнүүд хайртай залуутайгаа уулзахгүй зугтаж, зарим нь нүүр өгдөггүй тал бий. Тэгвэл эвлэрэх алхмыг эрчүүд санаачлах хэрэгтэй. Гэхдээ хойноос нь хөөцөлдөж, хаалга үүдийг нь сахих бус харин өөр арга бодож ол.
Бид доорх аргуудыг санал болгоё.

Нэг. Хайртай бүсгүйдээ ямар нэг өхөөрдсөн дотно нэр бодож ол. Энэ нь түүнд таалагдах болно.

Хоёр. Чамайг байхгүй болохоор надад хэцүү байдаг гэж хэл. Өөрийгөө чамд хэрэгтэй хүн гэж ойлгог.

Гурав. Найз хүүхнүүд рүү нь утасдаж, тэр надтай хамт байхгүй болохоор би гунигтай байна. Чи түүнийг сайн мэддэг болохоор чинь ярьж байгаа юм. Тэр маань их ухаантай бүсгүй шүү гэж хэл. Цаадуул нь хайртыг чинь сэнхрүүлээд өгнө.

Дөрөв. Найз бүсгүйнхээ сонирхож цуглуулдаг дуртай зүйлсийг нь худалдаж ав. Хайртай бүсгүй чинь чамайг үнэлэх болно.

Tав. "Би чамдаа хайртай. Яагаад гэвэл чи минь надаас илүү ухаантай" гэж заавал түүнд хэлээрэй.

Зургаа. Найз бүсгүйдээ хайр сэтгэлийн тухай сонирхолтой ном бэлэглэ. Энэ нь түүний сэтгэл зүйд нөлөөлөх болно.

Долоо. Хайртай гэдгээ батлах үүднээс түүнд үнэт чулуун шигтгээтэй бөгж авч өг.

Найм. Эцэг эхэд нь санаа тавьж тэдэнд ихэд дотно мэт сэтгэгдлийг төрүүлээрэй.

Eс. Өмссөн хувцас, эдэлж хэрэглэж буй зүйлийг нь сайхан зохиж байна гэж магтаарай.

Арав. Гэрлэх хүсэлтэй байгаагаа шууд хэл.